जय बोलो महाकाल की भजन

Jai bolo Mahakal ki, Doha – Aadidev Mahadev ka, Jo karte hai gungan, Janam maran ka unko nij hi, Ho jaata sab gyan. Kaal se raksha karte, Shivji kaate sab janjaal, Harpal bhajte raho re bhakto, Jai jai jai Mahakal. Aao milkar gaaye mahima, Hum kaalo ke kaal ki, Jai bolo Mahakal ki jai bolo, Jai bolo Mahakal ki jai bolo, Daso dishaon mein hoti, Jaikar yahan Mahakal ki, Jai bolo Mahakal ki jai bolo, Jai bolo Mahakal ki jai bolo.

Is jag ke hai karta dharta, Aadidev Shivshankar, Shivshankar se racha basa hai, Is dharti ka kan kan, Brahma bankar rachte jag ko, Vishnu ban paalan karte hai, Shiv bankar har lete maya, Ichchha hai kalyan ki, Jai bolo Mahakal Ki jai bolo.

Avantika nagari mein hai prabhu, Shivshankar ka vaas, Mahakal ke roop mein Shivji, Karte yahan nivaas, Punya salila Kshipra tat par, Shivji baithe dhyan lagakar, Maya aparampaar hai, In mayapati Mahakal ki, Jai bolo Mahakal ki jai bolo.

Kumbh parv par Kshipra mein, Snaan punya dayi hai, Kshipra aur Mahakal ki mahima, Rishi muniyon ne gaayi hai, Yah avsar bhakto mat chhodo, Mahakal se naata jodo, Bade bhagya se milti hai ye, Bhakti in Mahakal ki, Jai bolo Mahakal ki jai bolo.

Mahakumbh mein Mahakal ke, Darshan jo karte hai, Un bhakto ke dekho Bhole, Paap shaap harte hai, Jo nit poojan archan karte, Mahakal ka naam jo ratte, Janam janam teer jaaye jispar, Kripa bane Mahakal ki, Jai bolo Mahakal ki jai bolo.

Aao milkar gaaye mahima, Hum kaalo ke kaal ki, Jai bolo Mahakal ki jai bolo, Jai bolo Mahakal ki jai bolo, Daso dishaon mein hoti, Jaikar yahan Mahakal ki, Jai bolo Mahakal ki jai bolo, Jai bolo Mahakal ki jai bolo.