मैं हूँ बाबा का सर्वेंट भजन

Kaho to kore kaagaz par, likh doon ye agreement, main hoon baba ka servant, main hoon baba ka servant, na maangu salary baba, na maangu payment, main hoon baba ka servant, main hoon baba ka servant.

Tere dar par aane waala, kabhi na khaali jaaye, kabhi na khaali jaaye baba, kabhi na khaali jaaye, apne bhakton par mera baba, bhar bhar kripa lutaaye baba, bhar-bhar kripa lutaaye, arz lagaate hi kar dete, kaam mera urgent, main hoon baba ka servant, main hoon baba ka servant.

Karte ho kabhi jaadu baba, karte ho kabhi tona, baba karte ho kabhi tona, duniya chalti aise jaise, chaabi bhara khilauna, baba chaabi bhara khilauna, bhakton ke sankat ka, chutki mein karte treatment, main hoon baba ka servant, main hoon baba ka servant.

Baba ke darbaar ki shobha, dekho sabse nyaari, baba dekho sabse nyaari, jhoom jhoom ke naache gaaye, saare nar aur naari, baba saare nar aur naari, band aankh se kare jo darshan, to jeevan event, main hoon baba ka servant, main hoon baba ka servant.

Bhakti ki shakti se hi, bhakton ke bhaag hai jaage, bhakton ke bhaag hai jaage, bhakton ke bhaag hai jaage, gandh sugandh aanand mile, aur dukh peedaayein bhaage, dukh peedaayein bhaage baba, dukh peedaayein bhaage, Shyam naam ke itra ke aage, feeke hai sab scent, main hoon baba ka servant, main hoon baba ka servant.

Kaho to kore kaagaz par, likh doon ye agreement, main hoon baba ka servant, main hoon baba ka servant, na maangu salary baba, na maangu payment, main hoon baba ka servant, main hoon baba ka servant.