भजन कोशSankatmochan naam tiharo, Baal samay ravi bhakshi liyo tab teenhu lok bhayo andhiyaro. Taahi son traas bhayo jag ko, yah sankat kaahu son jaat na taro. Devan aani kari binati tab, chhaandi diyo ravi kasht nivaro. Ko nahin jaanat hai jag mein kapi sankatmochan naam tiharo.
संकटमोचन नाम तिहारो बजरंग बाण हिंदी भजन
संकटमोचन नाम तिहारो,
बाल समय रबि भक्षि लियो तब तीनहुँ लोक भयो अँधियारो।
ताहि सों त्रास भयो जग को यह संकट काहु सों जात न टारो।
देवन आनि करी बिनती तब छाँड़ि दियो रबि कष्ट निवारो।
को नहिं जानत है जग में कपि संकटमोचन नाम तिहारो॥१॥
बालि की त्रास कपीस बसै गिरि जात महाप्रभु पंथ निहारो।
चौंकि महा मुनि साप दियो तब चाहिय कौन बिचार बिचारो।
कै द्विज रूप लिवाय महाप्रभु सो तुम दास के सोक निवारो।
को नहिं जानत है जग में कपि संकटमोचन नाम तिहारो॥२॥
अंगद के सँग लेन गये सिय खोज कपीस यह बैन उचारो।
जीवत ना बचिहौ हम सो जु बिना सुधि लाए इहाँ पगु धारो।
हेरि थके तट सिंधु सबै तब लाय सिया-सुधि प्रान उबारो।
को नहिं जानत है जग में कपि संकटमोचन नाम तिहारो॥३॥
रावन त्रास दई सिय को सब राक्षसि सों कहि सोक निवारो।
ताहि समय हनुमान महाप्रभु जाय महा रजनीचर मारो।
चाहत सीय असोक सों आगि सु दै प्रभु मुद्रिका सोक निवारो।
को नहिं जानत है जग में कपि संकटमोचन नाम तिहारो॥४॥
बान लग्यो उर लछिमन के तब प्रान तजे सुत रावन मारो।
लै गृह बैद्य सुषेन समेत तबै गिरि द्रोन सु बीर उपारो।
आनि सजीवन हाथ दई तब लछिमन के तुम प्रान उबारो।
को नहिं जानत है जग में कपि संकटमोचन नाम तिहारो॥५॥
रावन जुद्ध अजान कियो तब नाग कि फाँस सबै सिर डारो।
श्रीरघुनाथ समेत सबै दल मोह भयो यह संकट भारो।
आनि खगेस तबै हनुमान जु बंधन काटि सुत्रास निवारो।
को नहिं जानत है जग में कपि संकटमोचन नाम तिहारो॥६॥
बंधु समेत जबै अहिरावन लै रघुनाथ पताल सिधारो।
देबिहिं पूजि भली बिधि सों बलि देउ सबै मिलि मंत्र बिचारो।
जाय सहाय भयो तब ही अहिरावन सैन्य समेत सँहारो।
को नहिं जानत है जग में कपि संकटमोचन नाम तिहारो॥७॥
काज कियो बड़ देवन के तुम बीर महाप्रभु देखि बिचारो।
कौन सो संकट मोर गरीब को जो तुमसों नहिं जात है टारो।
बेगि हरो हनुमान महाप्रभु जो कुछ संकट होय हमारो।
को नहिं जानत है जग में कपि संकटमोचन नाम तिहारो॥८॥
दोहा
लाल
देह लाली लसे अरू धरि लाल लँगूर।
बज्र देह दानव दलन जय जय जय कपि सूर॥
॥ इति श्री बजरंग बाण सम्पूर्ण ॥
Verse 1
Verse 2
Baali ki traas kapees basai giri jaat mahaprabhu panth nihaaro. Chaunki maha muni saap diyo tab chaahiye kaun bichaar bichaaro. Kai dwij roop livaay mahaprabhu so tum daas ke sok nivaaro. Ko nahin jaanat hai jag mein kapi sankatmochan naam tiharo.
Verse 3
Angad ke sang len gaye Siy khoj kapees yah bain uchaaro. Jeevat na bachiho hum so ju bina sudhi laaye ihaan pagu dhaaro. Heri thake tat sindhu sabai tab laay Siya-sudhi praan ubaaro. Ko nahin jaanat hai jag mein kapi sankatmochan naam tiharo.
Verse 4
Raavan traas dai Siy ko sab raakshasi son kahi sok nivaaro. Taahi samay Hanuman mahaprabhu jaay maha rajaneechar maaro. Chaahat Seey asok son aagi su dai prabhu mudrika sok nivaaro. Ko nahin jaanat hai jag mein kapi sankatmochan naam tiharo.
Verse 5
Baan lagyo ur Lachhiman ke tab praan taje sut Raavan maaro. Lai grih vaidya Sushen samet tabai giri Dron su beer upaaro. Aani sajeevan haath dai tab Lachhiman ke tum praan ubaaro. Ko nahin jaanat hai jag mein kapi sankatmochan naam tiharo.
Verse 6
Raavan yuddh ajaan kiyo tab naag ki phaans sabai sir daaro. Shri Raghunath samet sabai dal moh bhayo yah sankat bhaaro. Aani khages tabai Hanuman ju bandhan kaati su traas nivaaro. Ko nahin jaanat hai jag mein kapi sankatmochan naam tiharo.
Verse 7
Bandhu samet jabai Ahiravan lai Raghunath paataal sidhaaro. Debihin pooji bhali bidhi son bali deu sabai mili mantra bichaaro. Jaay sahaay bhayo tab hi Ahiravan sainya samet sanhaaro. Ko nahin jaanat hai jag mein kapi sankatmochan naam tiharo.
Verse 8
Kaaj kiyo bad devan ke tum beer mahaprabhu dekhi bichaaro. Kaun so sankat mor gareeb ko jo tumson nahin jaat hai taaro. Begi haro Hanuman mahaprabhu jo kuchh sankat hoy hamaaro. Ko nahin jaanat hai jag mein kapi sankatmochan naam tiharo.
Verse 9
Doha: Laal deh laali lase aru dhari laal langoor. Bajra deh daanav dalan jai jai jai kapi soor. Iti Shri Bajrang Baan sampoorn.