हनुमान जब चले हनुमान जी भजन

Hanuman jab chale, Sugreev bole – Vanaron tatkaal tum jao, Shri Janki maiya ka pata jaake lagao, Hokar nirash tum jo mere paas aaoge, Ye sun lo kaan ko kholkar, Sab maare jaoge, Ye hukum sunke chal padi Sugreev ki paltan, Sab khoj daalen ek ek jangal pahaad van, Mata ko khoj paaye nahin jab wo bechare, Maa Anjani ke Lal ko sab milkar pukare, He veervar Hanuman ab sankat se chhudao, Hum sab sharan hai aapki ab laaj bachao, Utho he Mahavir nahin der lagao, Shri Janki maiya ka pata jaake lagao, Ye sunkar garajkar uthe jab veervar Hanuman, Tharra gai zameen kaanp utha aasman.

Aur, Veeron ke veer shiromani balwan jab chale, Hanuman jab chale, Veeron ke veer shiromani Hanuman jab chale, Balwan jab chale, Veeron ke veer shiromani Hanuman jab chale.

Veeron ke veer shiromani Hanuman jab chale, Shri Ram ji ka karte hue dhyan jab chale, Ravan ka todne ko wo abhimaan jab chale, Dharkar viraat roop ban toofan jab chale, Lanka dahaadte hue Hanuman jab chale, Balwan jab chale, Veeron ke veer shiromani Hanuman jab chale, Balwan jab chale.

Mata ko khojne chale jab Anjani Kumar, Sab vanaron ke dal mein machi jai jaikar, Maari chhalaang aur samandar ko huye paar, Aakash dol utha aur hil gaya sansar, Vikraal gada haath mein wo taan jab chale, Balwan jab chale, Veeron ke veer shiromani Hanuman jab chale, Balwan jab chale.

Lanka mein pahunchkar ke diye vatika ujaad, Akshay Kumar ko diye dharti par wo pachhaad, Aaya jo saamne diye kakdi ke jaise phaad, Dushman ke ghar mein apna jhanda diye wo gaad, Karte huye phir yudh wo ghamasaan jab chale, Hanuman jab chalein, Veeron ke veer shiromani Hanuman jab chale, Balwan jab chale.

Ye haal dekh bhaage sabhi jaan chhod kar, Ravan ko batane lage wo haath jodkar, Ek kapi ne rakh diye bagiya ke saare ped todkar, Mara hai Jambumali ko gardan marod kar, Lanka ka mitane ko wo nishaan jab chale, Hanuman jab chalein, Veeron ke veer shiromani Hanuman jab chale, Balwan jab chale.

Shri Ram ke bhagat ne wahan aisa kiya kamaal, Lanka ko phook daale Maa Anjani ke Lal, Aankhein milaaye Bajrangi se 'Sharma' kiski hai majaal, Dushman ko chaba daale wo banke Mahakaal, Lanka ko bana kar ke wo shamshaan jab chale, Hanuman jab chalein, Veeron ke veer shiromani balwan jab chale, Balwan jab chale.