भजन कोशDoha – Shri Guru charan saroj raj, Nij manu mukur sudhari. Baranau Raghubar bimal jasu, Jo dayaku phal chari. Buddhiheen tanu janike, Sumirau Pavan Kumar, Bal buddhi vidya dehu mohi, Harahu kalesh vikaar.
श्री हनुमान चालीसा हिंदी भजन
श्री हनुमान चालीसा हिंदी लिरिक्स,
सम्पूर्ण सुन्दरकाण्ड यहाँ देखे ✏
दोहा –
श्रीगुरु चरन सरोज रज,
निज मनु मुकुरु सुधारि।
बरनउँ रघुबर बिमल जसु,
जो दायकु फल चारि।।
बुद्धिहीन तनु जानिके,
सुमिरौं पवन कुमार,
बल बुद्धि विद्या देहु मोहि,
हरहु कलेश विकार।।
– चौपाई –
जय हनुमान ज्ञान गुन सागर,
जय कपीस तिहुँ लोक उजागर।।१।।
राम दूत अतुलित बल धामा,
अंजनि पुत्र पवनसुत नामा।।२।।
महाबीर बिक्रम बजरंगी,
कुमति निवार सुमति के संगी।।३।।
कंचन बरन बिराज सुबेसा,
कानन कुंडल कुँचित केसा।।४।।
हाथ बज्र अरु ध्वजा बिराजे,
काँधे मूँज जनेऊ साजे।।५।।
शंकर सुवन केसरी नंदन,
तेज प्रताप महा जगवंदन।।६।।
विद्यावान गुनी अति चातुर,
राम काज करिबे को आतुर।।७।।
प्रभु चरित्र सुनिबे को रसिया,
राम लखन सीता मनबसिया।।८।।
सूक्ष्म रूप धरि सियहि दिखावा,
विकट रूप धरि लंक जरावा।।९।।
भीम रूप धरि असुर सँहारे,
रामचंद्र के काज सवाँरे।।१०।।
लाय सजीवन लखन जियाए,
श्री रघुबीर हरषि उर लाए।।११।।
रघुपति कीन्ही बहुत बड़ाई,
तुम मम प्रिय भरत सम भाई।।१२।।
सहस बदन तुम्हरो जस गावै,
अस कहि श्रीपति कंठ लगावै।।१३।।
सनकादिक ब्रह्मादि मुनीसा,
नारद सारद सहित अहीसा।।१४।।
जम कुबेर दिगपाल जहाँ ते,
कवि कोविद कहि सके कहाँ ते।।१५।।
तुम उपकार सुग्रीवहि कीन्हा,
राम मिलाय राज पद दीन्हा।।१६।।
तुम्हरो मंत्र बिभीषण माना,
लंकेश्वर भये सब जग जाना।।१७।।
जुग सहस्त्र जोजन पर भानू,
लिल्यो ताहि मधुर फ़ल जानू।।१८।।
प्रभु मुद्रिका मेलि मुख माही,
जलधि लाँघि गए अचरज नाही।।१९।।
दुर्गम काज जगत के जेते,
सुगम अनुग्रह तुम्हरे तेते।।२०।।
राम दुआरे तुम रखवारे,
होत ना आज्ञा बिनु पैसारे।।२१।।
सब सुख लहैं तुम्हारी सरना,
तुम रक्षक काहु को डरना।।२२।।
आपन तेज सम्हारो आपै,
तीनों लोक हाँक तै कापै।।२३।।
भूत पिशाच निकट नहि आवै,
महावीर जब नाम सुनावै।।२४।।
नासै रोग हरे सब पीरा,
जपत निरंतर हनुमत बीरा।।२५।।
संकट तै हनुमान छुडावै,
मन क्रम वचन ध्यान जो लावै।।२६।।
सब पर राम तपस्वी राजा,
तिनके काज सकल तुम साजा।।२७।।
और मनोरथ जो कोई लावै,
सोई अमित जीवन फल पावै।।२८।।
चारों जुग परताप तुम्हारा,
है परसिद्ध जगत उजियारा।।२९।।
साधु संत के तुम रखवारे,
असुर निकंदन राम दुलारे।।३०।।
अष्ट सिद्धि नौ निधि के दाता,
अस बर दीन जानकी माता।।३१।।
राम रसायन तुम्हरे पासा,
सदा रहो रघुपति के दासा।।३२।।
तुम्हरे भजन राम को पावै,
जनम जनम के दुख बिसरावै।।३३।।
अंतकाल रघुवरपुर जाई,
जहाँ जन्म हरिभक्त कहाई।।३४।।
और देवता चित्त ना धरई,
हनुमत सेई सर्व सुख करई।।३५।।
संकट कटै मिटै सब पीरा,
जो सुमिरै हनुमत बलबीरा।।३६।।
जै जै जै हनुमान गुसाईँ,
कृपा करहु गुरु देव की नाई।।३७।।
जो सत बार पाठ कर कोई,
छूटहि बंदि महा सुख होई।।३८।।
जो यह पढ़े हनुमान चालीसा,
होय सिद्ध साखी गौरीसा।।३९।।
तुलसीदास सदा हरि चेरा,
कीजै नाथ हृदय मह डेरा।।४०।।
– दोहा –
पवन तनय संकट हरन,
मंगल मूरति रूप।
राम लखन सीता सहित,
हृदय बसहु सुर भूप।।
Verse 1
Verse 2
Chaupai – Jai Hanuman gyan gun sagar, Jai Kapis tihun lok ujagar. Ram doot atulit bal dhama, Anjani putra Pavansut naama. Mahabir Bikram Bajrangi, Kumati nivar sumati ke sangi. Kanchan baran biraj subesa, Kanan kundal kunchit kesa. Hath Vajra aru dhwaja biraje, Kandhe moonj janeu saaje. Shankar suvan Kesari Nandan, Tej pratap maha jagvandan. Vidyavan guni ati chatur, Ram kaj karibe ko aatur. Prabhu charitra sunibe ko rasiya, Ram Lakhan Sita man basiya. Sukshm roop dhari Siyahi dikhava, Vikat roop dhari Lanka jarava. Bhim roop dhari asur sanghare, Ramchandra ke kaaj savare. Laay sajeevan Lakhan jiyaye, Shri Raghubir harashi ur laaye. Raghupati keenhi bahut badai, Tum mam priya Bharat sam bhai. Sahas badan tumhro jas gaave, As kahi Shripati kanth lagaave. Sankadik Brahmadi Munisa, Narad Sarad sahit Ahisa. Jam Kuber digpal jahan te, Kavi kovid kahi sake kahan te. Tum upkar Sugreevahi keenha, Ram milaay raj pad deenha. Tumharo mantra Vibhishan maana, Lankeshwar bhaye sab jag jaana. Jug sahastra jojan par Bhanu, Lilyo tahi madhur phal jaanu. Prabhu mudrika meli mukh mahi, Jaladhi laanghi gaye achraj nahi. Durgam kaaj jagat ke jete, Sugam anugrah tumhre tete. Ram duare tum rakhware, Hot na aagya binu paisare. Sab sukh lahe tumhari sarna, Tum rakshak kahu ko darna. Aapan tej samharo aape, Teenon lok haank te kaape. Bhoot pishach nikat nahi aave, Mahabir jab naam sunave. Naase rog hare sab peera, Japat nirantar Hanumat beera. Sankat te Hanuman chhudave, Man kram vachan dhyan jo lave. Sab par Ram tapasvi raja, Tinke kaaj sakal tum saja. Aur manorath jo koi lave, Soi amit jeevan phal pave. Charon jug partap tumhara, Hai parsiddh jagat ujiyara. Sadhu sant ke tum rakhware, Asur nikandan Ram dulare. Asht siddhi nau nidhi ke data, As bar deen Janki Mata. Ram rasayan tumhre pasa, Sada raho Raghupati ke dasa. Tumhre bhajan Ram ko pave, Janam janam ke dukh bisrave. Antkaal Raghubarpur jaai, Jahan janma Haribhakt kahai. Aur devta chit na dharai, Hanumat sei sarva sukh karai. Sankat kate mite sab peera, Jo sumire Hanumat balbeera. Jai Jai Jai Hanuman Gosai, Kripa karahu Gurudev ki naai. Jo sat baar paath kar koi, Chhootahi bandi maha sukh hoi. Jo yah padhe Hanuman Chalisa, Hoy siddhi sakhi Gaurisa. Tulsidas sada Hari chera, Keeje Nath hriday mah dera.
Verse 3
Doha – Pavan tanay sankat haran, Mangal moorati roop. Ram Lakhan Sita sahit, Hriday basahu Sur Bhoop.