भजन

बानर बांको रे लंका नगरी में मच गयो हाको रे भजन

अक्षर आकार

बानर बांको रे,

लंका नगरी में,

मच गयो हाको रे,

बानर बांको रे ॥

मात सिया यूं बोली रे बेटा,

फ़ल खाई तू पाको रे,….

इतने माही कूद्या हनुमत,

मार फ़दाको रे..बानर ॥

रुख उडाख पटक धरणी पर,

भोग लगाया फ़लां को रे,

रखवाला जब पकडन लाग्या,

दियो झडाको रे..बानर ॥

राक्षसिया अडरावै सारा,

काल आ गयो म्हाको रे,

मुँह पर मार पड़े मुक्के री,

फ़ाडे बाको रे..बानर ॥

हाथ टांग तोडे,सिर फ़ोडे,

घट फ़ोडे ज्यू पाको रे,

लुक छिप कर कई घर मे घुसग्या,

पड गयो फ़ांको रे..बानर ॥

उजडी पडी अशोका वाटिका,

ज्यूं मारग सडकां को रे,

उथल पुथल सब करयो बगिचो,

बिगडयो खाको रे..बानर ॥

जाय पुकार करी रावन स्यूं,

दिन खोटो असुरां को रे,

कपि आय एक घुस्यो बाग में,

गजब लडाको रे..बानर ॥

भेज्यो अक्षय कुमार भिडन नै,

हनुमत स्यामी झांक्यो रे,

एक लात की पडी असुर पर,

पी गयो नाको रे..बानर ॥

धन धन रे रघुवर का प्यारा,

अतुलित बल है थांको रे,

तु हे जग में मुकुटमणी है,

सब भक्तां को रे..बानर ॥

रोहित राठौर (झालरापाटन राजस्थान)

आप भी अपने भजन जोड़ सकते है

Verse 1

Baanar baanko re, Lanka nagari mein, Mach gayo haako re, Baanar baanko re.

Verse 2

Maat Siya yun boli re beta, Phal khaai tu paako re, Itne mahi koodya Hanumat, Maar phadaako re. Baanar...

Verse 3

Rukh udaakh pattak dharni par, Bhog lagaya phalaan ko re, Rakhwala jab pakadan lagya, Diyo jhadaako re. Baanar...

Verse 4

Raakshasiya adaraave saara, Kaal aa gayo mhaako re, Munh par maar pade mukke ri, Phaade baako re. Baanar...

Verse 5

Haath taang tode, sir phode, Ghat phode jyun paako re, Luk chhip kar kai ghar mein ghusgya, Pad gayo phaanko re. Baanar...

Verse 6

Ujdi padi Ashoka Vatika, Jyun maarag sadkan ko re, Uthal puthal sab karyo bagicho, Bigdyo khaako re. Baanar...

Verse 7

Jaay pukaar kari Raavan syun, Din khoto asuraan ko re, Kapi aay ek ghusyo baag mein, Gajab ladaako re. Baanar...

Verse 8

Bhejyo Akshay Kumar bhidan nai, Hanumat syami jhaankyo re, Ek laat ki padi asur par, Pi gayo naako re. Baanar...

Verse 9

Dhan dhan re Raghuvar ka pyara, Atulit bal hai thaako re, Tu he jag mein mukutmani hai, Sab bhaktan ko re. Baanar...

Verse 10

'Bhajan Submitted By – Rohit Rathore (Jhalarapatan Rajasthan)'